Kita sa CEBECO III mas labaw’ng nakasabot sa inyong mga panahom mahitungod sa kalit nga pagsaka sa balayranan sa kuryente apan sabta usab nga anaa kini mga mahinungdanong rason nga dili na kontrolado sa kooperatiba. Tamdi ang musunod nga punto:
1. Nisakag maayo ang Generation Charge sa Toledo Power Company o TPC. Ang Generation Charge mao ang ibayad sa kuryente nga gipalit sa CEBECO gikan sa TPC nga maoy atong supplier sa kuryente. PASS-ON charge kini, ipasa og pabayran sa tanang konsumidor nga nag-gamit og kuryente og walay bisan usa ka dako nga gipatong ang CEBECO III. Dili ang CEBECO III ang nag impose o nagpatuman sa balayranan kon dili ang TPC. Igo lamang kitang nagkolekta sa kantidad og dayon e-remit paingon sa Toledo Power Company o TPC.
2. Sukad 2008 walay saka/increase ang Distribution Charge sa CEBECO III nga nag kantidad lang og 1.51 php/kwh nga giaprobahan sa Energy Regulatory Commission o ERC, ang ahensya sa Gobyerno nga gitahasan sa pagsigoro nga sakto og makatarunganon ang balayranan sa kuryente. Mao lamang kini ang mopadulong sa panudlanan ni CEBECO 3 nga maoy gawion sa pagpadagan sa operations. Dili ang CEBECO III makapataka o maka boot-boot sa pag kwenta kon pila ang pagabayran, supak og manubag kita niini sa ERC. Dunay formula nga gitamdan og aprobado sa ERC kon unsaon pag compute sa power rates sa matag bulan.
3. Ang CEBECO III as required, binuwan nga nagsubmit sa Taripa o Schedule of Power Rates ngadto sa Energy Regulatory Commission o ERC og kini pagasusihon matag tulo ka-tuig kon gituman ba ang ERC rules, pagsigoro nga protected gayud ang mga konsumidor. Kung adunay sobra sa gipasa, ila kining ipauli o ipa refund sa mga konsumidor. Compliant pirmi ang CEBECO III, hugot nga nagtuman sa guidelines sa regulatory agency nga mao ang ERC.
4. Maglisod kita’g pahibalo in advance kon mosaka ba o moubos ang bayranan matag bulan. Human sa usa ka bulan nga pag konsumo, diha pa nato madawat ang billing sa TPC nga maoy basihan sa pag compute kon pila ang Power Rates nga e-charge og pagabayran sa mga konsumidor.
Pananglit: Ang Billing Statement sa nakonsumo sa buwan sa Mayo 2022 ihatag sa TPC/suppliers ari na sa Hunyo 2022 og kini maoy gawion sa pag determine kon pila ang bayranan. Usab hinumdumi nga ang imong nakonsumo karung buwana, imong pagabayaran sa sunod na nga buwan.
5. Ang nagasto sa CEBECO III alang sa Post Typhoon Odette – Power Restoration wala pabayri og gibawi sa hinay-hinay gikan sa mga konsumidor. Dunay igong savings ang inyong CEBECO III nga maoy gigawi sa daling pagbangon sa kadaut dala sa bagyong Odette. Pagmatood kini nga ang CEBECO III is PRO-Consumer Electric Cooperative, tiunay nga nagpangga og nagpakabana kaninyong mga konsumidor. Serbisyo ang among tinguha og dili negosyo.
Tungod sa kalibutanong krisis nga nasinati karon, padayon ang pagsaka sa presyo sa tanang produkto ilabi na ang coal nga maoy gawion sa pag-generate og kuryente sa TPC. Sabta nga ang maong pagsaka sa Power Rates dili gayod tinuyo-an. Nimahal tood ang balayranan apan kung itandi sa ubang Distribution Utility ma private man o Electric Cooperatives sa tibook Sugbo, ang CEBECO III Power Rates gihapon ang kina-minusan.
Daghang Salamat!
